Elite Sports: Një rrugëtim që bashkon talentet shqiptarë drejt fushave evropiane
Prishtinë, Tetor 2025 — Pas dy sezonesh të mbushura me suksese dhe përfaqësime dinjitoze në arenën ndërkombëtare, platforma inovative Elite Sports po hap kapitullin e ri të zhvillimit sportiv me seancën e përzgjedhjeve për sezonin 2025/26, që do të mbahet më 2 Nëntor, nga ora 13:00 deri 17:00, në fushat “Princ” në Prishtinë.
Elite Sports nuk është një klub futbolli tradicional, por një platformë dinamike rajonale, që operon në Kosovë, Shqipëri dhe Maqedoninë e Veriut, me misionin për të fuqizuar sportistët e rinj përmes përvojës ndërkombëtare, edukimit sportiv dhe bashkëpunimit me klubet vendore.
“Ne nuk krijojmë talente – ne i zbulojmë, i lidhim dhe i ndihmojmë të përfaqësojnë vlerat shqiptare jashtë vendit. Qëllimi është të ofrojmë përvojë, bashkim dhe rritje personale përmes sportit,” – shprehet Burim Haxhiu, themelues i Elite Sports.
Në dy sezonet e fundit, Elite Sports ka përfaqësuar mbi 200 sportistë nga rajoni dhe diaspora, në 10 turne ndërkombëtare në Zvicër, Francë, Gjermani dhe Spanjë.
Ekipet shqiptare janë përballur me klube të mëdha si Inter Milan, FC Basel, Benfica Lisbonë e Fulham, duke fituar çmime si “Fair Play” dhe duke shënuar fitore të rëndësishme, përfshirë vendet e para në Europa Park Cup (U9) dhe arritje në finale me ekipin U15 në Germany Cup.
Kjo përvojë, përtej rezultateve, ka krijuar një ura bashkimi midis sportistëve nga Kosova, Shqipëria, Maqedonia e Veriut dhe diaspora, duke i bërë pjesë të një vizioni të përbashkët: që talentet shqiptare të shndërrohen në ambasadorë të vlerave, disiplinës dhe profesionalizmit në Evropë.
Seanca e përzgjedhjes e 2 Nëntorit shënon fillimin e përgatitjeve për ekipet që do të marrin pjesë në turnet e ardhshme në Zvicër, Gjermani, Francë, Spanjë, Itali dhe Turqi.
Sportistët që vlerësohen me rezultate më të mira gjatë përzgjedhjes do të kenë mundësinë të përfshihen në ekipet përfaqësuese të sezonit 2025/26.
Regjistrimet janë të hapura deri më 30 Tetor (në mesnatë) dhe bëhen në linkun zyrtar të Elite Sports.
Numri i vendeve është i kufizuar.
Elite Sports synon që përmes këtij sezoni të ri të zgjerojë rrjetin e bashkëpunimeve ndërkombëtare, të sjellë teknologji moderne në vlerësimin e performancës dhe të vazhdojë ndërtimin e një komuniteti sportiv që i bashkon të rinjtë përtej kufijve.
“Kjo nuk është vetëm një përzgjedhje. Është një ftesë për ëndërrim, për bashkim dhe për përfaqësim të denjë shqiptar në Evropë,” – përfundon Haxhiu.
https://docs.google.com/forms/d/e/1FAIpQLSeQgld5Gt0rgc6d0ccx4ZRhoRudfv909vw2Efa9R_UjKhLoGA/viewform?pli=1