Policia e Shtetit njofton planin e masave për protestën në mbështetje të UÇK-së në Tiranë

Policia e Shqipërisë ka publikuar planin e masave për protestën që pritet të mbahet këtë të premte, më 17 tetor, në orën 17:00, në sheshin “Skënderbej” në Tiranë, në mbështetje të ish-krerëve të Ushtrisë Çlirimtare të Kosovës (UÇK).

Sipas autoriteteve shqiptare, protesta do të shoqërohet me masa të shtuara sigurie dhe kufizime të përkohshme të qarkullimit në disa akse kryesore të kryeqytetit. Konkretisht, do të bllokohet përkohësisht qarkullimi në Bulevardin e Ri, gjatë zhvillimit të tubimit, nga ora 17:00 deri rreth orës 19:00.Policia e Tiranës njofton se, përveç protestës së sotme, janë parashikuar masa edhe për dy aktivitete të tjera me pjesëmarrje të lartë që do të zhvillohen në fundjavë: “Maratona Fan Run” dhe “Maratona e Tiranës 2025”.Qytetarët këshillohen të shmangin lëvizjen me automjete në zonat ku do të ketë kufizime, të ndjekin rrugë alternative dhe të respektojnë udhëzimet e punonjësve të policisë që do të jenë të pranishëm në terren.

Edita Tahiri: Nëntë muaj pa Kuvend për një shtet të ri është dëm i madh, Kurti është kryeministër ilegal
Read more