Osmani: E nderuar të jem e ftuar në Asamblenë Parlamentare të NATO-s

Presidentja e Kosovës, Vjosa Osmani, ka ndarë pamje nga pjesëmarrja e saj në sesionin e Asamblesë Parlamentare të NATO-s, që po mbahet në Lubjanë të Sllovenisë.Osmani është e ftuar speciale në këtë sesion nga Presidenti i Asamblesë Parlamentare të NATO-s, Marcos Perestrello.
Përmes një postimi në rrjetet sociale, Presidentja e Kosovës u shpreh e nderuar për pjesëmarrjen në këtë ngjarje të rëndësishme ndërkombëtare.“E nderuar të jem e ftuar speciale në Asamblenë Parlamentare të NATO-s, e cila po mbahet në Lubjanë, Slloveni”, ka shkruar Osmani në Facebook.
Gjatë vizitës së saj njëditore në Slloveni, Osmani pritet të zhvillojë edhe një takim bilateral me presidenten e Republikës së Sllovenisë, Nataša Pirc Musar.Po ashtu, do të marrë pjesë në pritjen zyrtare të organizuar për nder të sesionit të Asamblesë nga Kryetarja e Asamblesë Kombëtare të Sllovenisë, Urška Klakočar Zupančič.
Presidentja Osmani pritet të zhvillojë edhe takime të tjera gjatë qëndrimit të saj në Lubjanë, në kuadër të këtij sesioni të Asamblesë Parlamentare të NATO-s.