Kryetari i degës së LD-së në Tearcë, Agron Llokmani braktis Izet Mexhitin, i bashkohet AKI-së
Kryetari i degës së Lidhjes Demokratike (LD) në Tearcë, Agron Llokmani, ka braktisur Izet Mexhitin për t’iu bashkuar koalicionit Aleanca Kombëtare për Integrim (AKI).
Lajmin e ka bërë publik kandidati i AKI-së për Tearcën, Nazim Taipi, i cili ka përshëndetur ardhjen e Llokmanit në këtë subjekt politik.
“Mirë se na vjen profesor Agron Llokmani në familjen politike të Aleancës për Shqiptarët dhe koalicionit ‘Aleanca Kombëtare për Integrim’! Vizioni ynë për Komunën e Tearcës sot bëhet edhe më i fortë me bashkimin e profesorit të nderuar Agron Llokmani, i cili në zgjedhjet parlamentare ka qenë koordinator i Lidhjes Demokratike për degën e Tearcës”, – ka shkruar Taipi.
Ky kalim shihet si një goditje politike për Izet Mexhitin, ndërsa për Aleancën Kombëtare për Integrim një forcim i strukturave në komunën e Tearcës.