Bujar Osmani: Qytetarët flasin, unë dëgjoj dhe jap zgjidhje

Kandidati për kryetar të komunës së Çairit, Bujar Osmani, ka theksuar se programin e tij zgjedhor po e ndërton mbi bazën e ideve dhe shqetësimeve që vijnë drejtpërdrejt nga qytetarët informon Tetovasot.

Ai ka bërë të ditur se ka trokitur derë më derë, duke u lënë banorëve një numër telefoni dhe një platformë ku mund të dërgojnë çdo propozim apo problem që i shqetëson. “Sot lexoj publikisht tre nga mesazhet që kam marrë”, tha Osmani, duke shtuar se çdo ditë po pasurohet programi i tij me ide konkrete nga qytetarët.

“Ky është vizioni im për Çairin: qytetarët flasin, unë dëgjoj dhe jap zgjidhje”, theksoi Osmani.

Në videon e publikuar në rrjete sociale, ai shfaqet duke lexuar mesazhet dhe duke ofruar zgjidhje të menjëhershme për disa prej tyre.Tetovasot