Sulmuan njëri-tjetrin pas aksidentit me vetura – Policia i arreston

Policia e Kosovës ka njoftuar se ka arrestuar dy të dyshuar pasi që kishin sulmuar njërin-tjetrin pas një aksidenti me vetura që kishin pasur mes vete.

Rasti ka ndodhur të enjten në ora 12:00 në Milloshevë të Obiliqit.

“Janë arrestuar dy të dyshuar meshkuj njëri shtetas i Kosovës dhe tjetri shtetas i Gjermanisë, pasi që kishin sulmuar njërin-tjetrin pas një aksidenti me vetura që kishin pasur mes vete”, thuhet në raport.

Me vendim të prokurorit të dyshuarit janë dërguar në mbajtje.