Izet Mexhiti: Rinia shqiptare, forca lëvizëse e ndryshimit – Investime dhe masa konkrete për të ardhmen e saj

Zëvendëskryeministri i parë dhe ministri i Ekologjisë dhe Planifikimit Hapësinor, Izet Mexhiti, ka zhvilluar një takim të veçantë me të rinjtë e Çairit, ku ka theksuar se rinia shqiptare në Maqedoninë e Veriut është jo vetëm e pranishme, por gjithnjë e më shumë kërkon dhe gjen vendin e saj në shoqëri.

“Energjia, idetë dhe guximi i tyre janë frymëzimi më i madh për çdo hap që hedhim përpara,” u shpreh Mexhiti, duke theksuar se mbështetja institucionale për rininë nuk do të ndalet.

Në kuadër të bashkëbisedimit për sfidat dhe nevojat e brezit të ri, Mexhiti prezantoi masat konkrete që tashmë janë në zbatim:

Shpërndarja e vauçerëve për mbi 55 mijë studentë për blerjen e pajisjeve teknologjike;

Ndërtimi i kampusit modern për Universitetin “Nënë Tereza”;

Mbështetje financiare për universitetet, përfshirë Universitetin e Evropës Juglindore;

Miratimi i Planit Aksional për Punësim, që fokusohet në mbështetjen e bizneseve të reja dhe karrierave të të rinjve;

Ligji për punësimin sezonal të studentëve dhe nxënësve, që garanton përvojë pune pa humbur bursën;

Forcimi i arsimit dual përmes bashkëpunimit me qindra kompani vendore;

Investime në shkolla moderne, qendra rinore, biblioteka dhe pishina publike;

Ndërtimi dhe rikonstruktimi i fushave sportive në të gjitha vendbanimet;

Mbyllja e qindra kazinove online, si masë për mbrojtjen e të rinjve nga varësitë.

“Rinia është zëri që po rritet, dhe që nuk mund të anashkalohet më. Përkrahja për ta është këtu, dhe do të vazhdojë,” u shpreh në fund Mexhiti.