ChatGPT arrin 1 milion përdorues të rinj në një orë

ChatGPT në rekorde të reja. Në vetëm një orë ka numëruar 1 milionë përdorues të rinj, ndërsa në muaj përllogariten 700 milionë aktivë.

Këto janë shifrat e bëra publike nga Sam Altman, drejtuesi i Open AI, që ndër të tjera ka mbledhur në orët e fundit 40 miliardë investime të reja.

Gjatë ditëve të fundit me lancimin edhe të një funksionaliteti të ri krijoi probleme të mëdha në ChatGPT, “të cilat u zgjidhën”, ka shpjeguar kompania.

Inteligjenca artificiale, 26 muaj me parë kur hyri në skenë, shënoi një ndër momentet më virale në historinë e rrjetit. Sot Inteligjenca artificialë po sundon gjithnjë e më tepër skenën, duke gjetur përdorim në shumë fusha, pavarësisht se nga ana tjetër qëndron edhe skepticizmi për të dalë jashtë kontrollit të njeriut.