Pronari i TikTok-ut bëhet njeriu më i pasur në Kinë

Themeluesi i ByteDance dhe pronari i aplikacionit TikTok, Zhang Yiming, është bërë njeriu më i pasur në Kinë.
Sipas një indeksi të Bloomberg të publikuar të enjten, Yiming është aktualisht personi i 24-të më i pasur në botë.
Lista e miliarderëve të Forbes dhe “Lista e të pasurve Hurun”, të cilat renditin individët më të pasur në Kinë, konfirmuan gjithashtu pozicionin e tij si kinezi më i pasur.
Bloomberg vlerëson pasurinë e tij në 57,5 miliardë dollarë, ndërsa Forbes e vlerëson atë në 65,5 miliardë dollarë.
Zhang Yiming (42) themeloi ByteDance në vitin 2012, dhe vlera e kompanisë tejkaloi 400 miliardë dollarë në janar 2025.
Përveç TikTok-ut, ByteDance zotëron gjithashtu aplikacione të njohura celulare si CapCut, Xigua Video dhe Douyin.