Mexhiti: Ka iniciativë për Lutjet e mëngjesit në nivel rajonal në Maqedoni, do të vijnë edhe kongresmenë dhe senatorë nga SHBA

Zëvendëskryeministri i parë dhe ministri i Mjedisit, Izet Mexhiti, në një intervistë për Analizë 24 tha se me Bullgarinë po punohet për një zgjidhje të përbashkët që do të jetë e kënaqshme për të dyja palët.

Ai tha gjithashtu se ka një iniciativë të re për organizimin e Lutjeve të mëngjesit në nivel rajonal që do ta mbështesin edhe Shtetet e Bashkuara të Amerikës.

Dy ministrat e jashtëm të dy vendeve do të takohen dhe do të hapet një perspektivë e re. “Ne do ta shfrytëzonim këtë takim edhe si mundësi për një takim të mundshëm mes Hristijan Mickoskit dhe Rosen Zheljazkov”, tha Mexhiti.

Sa i përket Lutjeve të mëngjesit në nivel rajonal, Mexhiti tha se është diçka e re dhe do t’i hapë dyert për bashkëpunime të reja.

“Ka një iniciativë të re për organizimin e mëngjesit të namazit të organizuar nga Kongresi amerikan në Maqedoni dhe për të qenë një organizatë rajonale që mund të kontribuojë në thellimin e bashkëpunimit me partnerin tonë strategjik, SHBA-në. Mëngjesi i lutjes në Maqedoni do të ishte një mundësi edhe për kongresmenët dhe senatorët që kanë ndikim në këto politika që të vijnë”, tha Mexhiti.