Një mashtrues nga Gjevgjelia është paraqitur si prokuror publik dhe inspektor

DPB Gjevgjeli ka dorëzuar kallëzim penal kundër A.M. (45) nga Gjevgjelia, për dyshimin e bazuar për kryerjen e 5 veprave penale “mashtrim në tentativë”, dhe kundër M.A. (45) nga Shkupi për dyshimin e bazuar për kryerjen e 5 veprave penale “ndihmë” në lidhje me “mashtrimin në tentativë”.

I dyshuari i parë, me ndihmën e të dytës, gjatë periudhës 1 deri më 13 dhjetor 2024, ka kontaktuar me disa persona të dëmtuar përmes telefonit, duke u prezantuar si prokuror publik dhe duke i mashtruar se ndaj tyre ishte hapur një hetim nga Prokuroria Themelore Publike Shkup.

Gjatë kësaj kohe, ai u kërkonte personave të dëmtuar të paguanin 600 euro për të shmangur paraburgimin. Po ashtu, më 13 dhjetor 2024, ai mashtroi S.M. dhe M.Ç., duke u prezantuar si inspektor shtetëror sanitar.

Gjatë mashtrimit, ai i informoi se një fëmijë ishte helmuar nga ushqimi në një objekt tregtar në Gjevgjeli dhe kërkoi prej tyre të paguanin 1,000 euro.