Taravari: Shoh dritë në fund të tunelit për ndryshimet kushtetuese, deri në vitin 2028 mund të jemi anëtarë të plotë të BE-së

Unë shoh një dritë në fund të tunelit që mund të realizohet shumë shpejt, tha Arben Taravari, në “Top Tema” në Telma.

Ai theksoi se ndryshimet kushtetuese janë parakusht për vazhdimin e procesit euro integrues të Maqedonisë së Veriut.

“Ka propozime nga të dyja palët, por të jem i sinqertë, ne kemi sugjerime edhe nga miqtë tanë që janë ekspertë ndërkombëtarë në atë drejtim dhe gjatë kësaj periudhe do të jenë mjaft aktivë mes Shkupit dhe Sofjes dhe kjo është sinqerisht, mjaft lehtësuese”, ka thënë Taravari.

Taravari theksoi se ka shpresë se Maqedonia do të bëhet anëtare e plotë e Bashkimit Evropian (BE) deri në fund të mandatit të qeverisë së re.