Gati gjysma e tokës bujqësore në Gaza është shkatërruar, rimëkëmbja mund të marrë vite
Pothuajse gjysma e tokës bujqësore në Gaza është shkatërruar dhe rimëkëmbja mund të marrë vite, tha për CNN të hënën, një ekspert që studion imazhet satelitore.
“Ajo që shohim nga të dhënat satelitore është me të vërtetë, me të vërtetë shkatërruese”, tha He Yin, një asistent profesor i gjeografisë në Universitetin Shtetëror Kent në Ohio.
Ai tha se ata vunë re kratere, gjurmë buldozeri dhe shenja djegieje në imazhet satelitore.
“Pothuajse më shumë se gjysma e tokës bujqësore u shkatërrua plotësisht”.
Ai tha se banorët e Gazës tashmë ishin mbështetur në ndihma dhe importe për shkak të tokës së pamjaftueshme për bujqësi përpara luftës.
“Me pothuajse gjysmën e tokës bujqësore të zhdukur, situata mund të jetë më e rëndë. Seriozisht nuk kam fjalë për këtë”, tha ai.
Ai paralajmëroi gjithashtu për pasojat shumëvjeçare për fermerët.
“Nuk është se nëse lufta përfundon tani, fermerët mund të kthehen, mund të mbjellin pemë dhe të korrin vitin e ardhshëm”, tha ai.
“Mund ta imagjinoni edhe sikur lufta të ndalojë tani, sonte, ende nuk ka asnjë mënyrë për të rindërtuar sektorin e bujqësisë. Është një ndikim afatgjatë”, tha ai.