Besiana Mehmedi dhe Adem Karaga sjellin Adem Jasharin në Tetovë si thirrje që UÇK është mburoja jonë e përjetshme

Në Tetovë është shënuar edhe një e arritur në kulturën shqiptare në Maqedoninë e Veriut. Ansambli Muzikor ka hedhur në skenë koncertin e parë gala, duke shënuar edhe hapat e parë drejt një rrugëtimi muzikor për të lënë gjurmë në muzikën shqiptare në vendvThemelimi i këtij institucioni paraqet realizimin e kërkesës shumëvjeçare të kuadrove të cilët pasi përfundonin fakultetin muzikor, nuk kishin ku të vazhdojnë rrugëtimin e vet professional. Tani, në suazat e këtij institucioni në të cilin do të kultivohet dhe zhvillohet muzika serioze vokale dhe instrumentale, si edhe ajo e popullarizuar dhe xhaz, do të mund të kultivojnë dhe përsosin talentin dhe pasionin e vet të gjithë admiruesit e këtij zhanri.
Pika kulminante dhe qendrore ishte: “Lengjendat këndoja me mall” një interpretim brilant i dy Kërçovarëve Besiana Mehmedi e Adem Karaga. Nën përcjellje të orkestrës simfonike dhe korit, u portretizua në mënyrë madhështore figura e Adem Jasharit, interpretim artistik që ka ngritur sallën në këmbë të gjithë të pranishmit në Pallatin e Kulturës në Tetovë ku mbajt koncerti promovues i Ansamblit Muzikorë. Ishin ovacionet dhe duartrokitjet frenetike, që kanë përcjell këtë interpretim premiere kompozim dhe me tekst nga Sami Piraj.

Pas Teatrit Kombëtar, Ansamblit të Këngëve e Valleve, për shqiptarët fillojë me aktivitet edhe Ansambli Muzikor. Një institucion tjetër shtetëror, me të cilin shqiptarët hap pas hapi po pozicionohen në pozita të barabarta dhe në sferën e kulturës.

Veprimtaria kryesore e këtij institucioni sipas drejtorit Jeton Pustina do të jetë përgatitja dhe prezantimi skenik i veprave muzikore të muzikës klasike, xhаz, vokale dhe vokalo – instrumental

Artistja e njohur Besiana Mehmedi, përmes llogarisë së saj sociale ka bërë një postim të veçante:

Emocion i jashtëzakonshëm! Atmosferë që falin ata që nuk vdesin kurr sikurse është kryeheroi legjendar Adem Jashari i cili mbrëmë risolli frymën e bashkimit në sallën e Tetovës të stërmbushur me spektatorë nga të gjitha viset tona!
Çfarë ndjesie na ke falur Sami Piraj dhe Kreshnik Aliçkaj, neve në skenë dhe gjithë publikut me këtë kryevepër! Mbrëmë jo vetëm që u realizua një projekt madhor i liderit Ali Ahmeti, jo vetëm që u jetësua ëndërra jonë që nisi si ide që në vitin 2020 por shkoi në vend edhe amaneti i baballarëve tanë – të ndërtojmë kalatë tona për brezat që vinë!
Valmir Aziri përgëzimet më të sinqerta për angazhimin tënd si ish sekretar shtetëror në themelimin e kësaj Kalaje kulturore në të cilën të gjithë bashkë vumë nga një gur! Faleminderit për gjithçka që ke bërë për kulturën shqiptare në RMV!
Adem Karaga, Shkelzen Baftiari, Premtim Etemifaleminderit për realizimin brilant të kësaj vepre! Bashkë shënuam histori në këtë datë të rëndësishme dhe rikujtuam edhe njëherë fuqishëm së UÇK është mburoja jonë e përjetshme!