Arsenali pa Martinellin kundër Portos
Arsenali pa Martinellin kundër Portos
Arsenali do të synojë përmbysjen e Portos pa njërin prej futbollistëve kryesorë, Gabriel Martinelli.
Sipas gazetarit të afërt me klubin londinez, Chris Wheatley, ylli brazilian do të mungojë shkaku i një lëndimi në këmbë.
Martinelli mungoi edhe në fitoren 2:1 të Arsenalit ndaj Brentfordit, që u zhvillua të shtunën.
22-vjeçari kishte pësuar lëndim në ndeshjen ndaj Sheffield Unitedit, e zhvilluar më 4 mars.
Mikel Arteta në paraqitjen e sotme para gazetarëve la të nënkuptohet se Martinelli nuk do të luajë nesër mbrëma.
“Përqindja që dëshironi? Ka opsione. Më falni që ju zhgënjej”, ishte përgjigja e spanjollit kur u pyet rreth mundësisë që sulmuesi i majtë të paraqitet.
Arsenali do të presë Porton në “Emirates”, për të zhvilluar ndeshjen e kthimit në 1/8 e finales së Ligës së Kampionëve.
“Topçinjtë” synojnë të përmbysin rezultatin e ndeshjes së parë, në të cilën pësuan humbje minimale 1:0.