Fermerët grekë paralajmëruan bllokadë të re në pikën kufitare Evzoni

Bllokadë e re në pikën kufitare Evzoni (Bogorodicë) drejt Maqedonisë së Veriut nga ora 20 deri në orën 22 sipas orës lokale, gjegjësisht nga ora 19 deri në orën 21 sipas kohës së Maqedonisë së Veriut, paralajmëruan bujqit grekë nga pjesa veriore e vendit, lajmëroi korrespondentja e MIA-s nga Athina.

Pika kufitare konkrete edhe dje dhe pardje periodikisht është mbyllur në orët e mbrëmjes, ndërsa sipas informacioneve nga Greqia, fermerët do të vazhdojnë aktivitetin dhe bllokada deri të hënën, më 26 shkurt.