Macron nderon Wolfgang Schaeublen, në një memorial në parlamentin gjerman

Presidenti francez Emmanuel Macron ka nderuar ish-ministrin e financave Wolfgang Schaeuble në një memorial në parlamentin gjerman.

Schaeuble, ligjvënësi më jetëgjatë i vendit, i cili ndihmoi në negocimin e ribashkimit të Gjermanisë, vdiq në dhjetor në moshën 81-vjeçare.

Macron, presidenti i Bundestagut Baerbel Bas dhe kreu i kristiandemokratëve Friedrich Merz vlerësuan vitet e gjata të shërbimit të Schaeuble në qeverinë gjermane dhe angazhimin e tij për një Gjermani të bashkuar dhe projektin evropian.

“Gjermania ka humbur një burrë shteti, Evropa ka humbur një shtyllë, Franca ka humbur një mik”, tha Macron.