Ndryshoni numrin e telefonit? Rrezikoni gjobë 100 euro për automjetin!





Një projektligj i ri për automjetet në Maqedoninë e Veriut parasheh gjobë prej 100 eurosh për pronarët e automjeteve që ndryshojnë numrin e telefonit dhe nuk e njoftojnë institucionin kompetent.

Dispozita është pjesë e ndryshimeve të propozuara ligjore dhe ende nuk përbën detyrim të miratuar.

Sipas propozimit, ndryshimi i numrit të telefonit ose adresës elektronike duhet të paraqitet brenda tri ditësh në një stacion të autorizuar të kontrollit teknik.

Parashihen edhe ngjitëse elektronike për kontrollin e regjistrimit, sigurimit dhe kontrollit teknik. Heqja, dëmtimi apo bartja e tyre në automjet tjetër mund të dënohet me 500 euro.

Ndryshimet janë ende në procedurë kuvendore dhe nuk kanë hyrë në fuqi.

App Icon
TetovaSot App
Shkarkoje tani nga playstore!
Instalo