Qeveria e Kenias largon me dru banorët e saj për llogari të oligarkëve të karbonit

Anëtarët e komunitetit Ogiek po dëbohen nga tokat e tyre nga qeveria e Kenias. Shkak është përfitimi i lartë monetar që vjen prej karbonit.

Alarmi është dhënë nga avokatët e organizatës së të drejtave të njeriut.

Udhëheqësi i komunitetit, Daniel Kobei, deklaroi se rojet e armatosura të pyjeve kanë filluar operacione të shumta për t’i larguar banorët nga pylli Mau, duke shkatërruar banesat me sëpata e duke shkaktuar kaos në mbarë vendin.

Tregu global i zhvillimit të licesës së karbonit lejon pronarin të emetojë dyoksid, ose gaze të tjera nëpër pyje për arsye fitimprurëse.

Duke qenë se pylli Mau është më i madhi në Kenia, kompanitë e kompensimit po shtyjnë qeverinë keniane të marrë kontroll të plotë financiar e territorial mbi këtë aset.

Qeveria e Kenias justifikohet për këtë akt duke deklaruar se gjithçka po bëhet për mbrojtjen e mjedisit.

Në një deklaratë zyrtare Ministria e Mjedist shtoi se ishte plotësisht e vetëdijshme për marrjen e një pjese të territorit përmes shpyllëzimit të jashtligjshëm dhe shtoi se u kërkuan skuadrave të sigurisë që të kryejnë operacionin në mënyrë humane, gjë e cila nuk po ndiqet.

Megjithatë, sipas drejtorit të OPDP, Kobei, dëbimet të cilat filluan me 2 nëntor dhe vazhdojnë ende, filluan pa paralajmërim dhe deri më tani janë prekur rreth 700 persona, ku gjysmat janë gra dhe fëmijë.