Afër shkollave fillore në Tetovë ju shiten cigare “refus” nxënësve (VIDEO)

Portali TS sot ka bërë një investigim se sa shitore afër shkollave fillore në Tetovë shesin cigare “refus” nxënësve të vegjël. Portali TS në bashkëpunim me një nxënës të klasës së shtatë arriti të zbulojë se një shitore afër shkollës Istigball shiste cigare “refus” nxënësve të shkollës fillore.

Nga inspektorati i Tregut për TS kanë deklaruar se kontrollet në shitoret afër shkollave për këto shitje të cigareve kanë vijuar që nga fillimi i shtatorit dhe vazhdon ende për të gjetur shitoret që ju shesin cigare nxënësve të shkollave fillore.

Portali TS do të vazhdoj edhe më tej për të investiguar nëse shesin vetëm cigare shitoret apo shesin edhe lëndë narkotike si mariuhanë afër shkollave fillore  dhe të mesme.

Vlen të theksohet se policia e Tetovës këtë muaj ka pasur një aksion kundër këtyre dukurive për të kapur narkodilerët që bashkëpunojnë me nxënësit që shesin mariuhanë në shkollat e mesme dhe fillore./TS/