Një fshat zviceran ofron 50,000 euro për t’u shpërngulur – ka dy kushte

Fshati zviceran Albinen u ofron familjeve 50,000 € e më shumë vetëm për t’u zhvendosur në këtë fshat mahnitës në një luginë malore.

A jeni duke luftuar me koston e jetesës? Një fshat zviceran mund të ketë zgjidhjen për ju.
Zona e bukur ndodhet në një shpat mali në 1300 metra mbi nivelin e detit. Shtëpitë e saj tradicionale malore shikojnë nga poshtë një mjedis të gjerë me majat e bardha si bora, shkruan Daily Mail.

Fshati i vogël është kërcënuar me zhdukje prej disa kohësh, pasi një numër në rritje i banorëve largohen nga komuniteti piktoresk rural në favor të qyteteve përreth.

Në fund të vitit 2020, në fshat jetonin vetëm 243 banorë. Megjithatë, me planin e hartuar në vitin 2018, të gjithë shpresojnë që ky trend të ndalet.

Pavarësisht se është një fshat tërheqës 6.8 kilometra larg qytetit banjë të Leukerbad dhe 35 minuta me makinë nga kryeqyteti kantonal i Sionit dhe qyteti industrial i Visp, fshati është liruar me kalimin e viteve për shkak të mungesës së vendeve të punës.

Familjet do të marrin 25,000 euro për të rritur dhe 10,000 euro të tjera për fëmijë nëse lëvizin. Kështu, nëse jeni çift pa fëmijë, merrni 50 mijë euro, ndërsa nëse keni një fëmijë, 60 mijë euro. Nëse ke dy fëmijë, ke në dispozicion 70 mijë euro.

Oferta prej 50 mijë eurosh për të kaluar në një nga vendet më të bukura në botë është joshëse, por ka dy kushte.

Për të parandaluar boshatisjen e fshatit, Albinen kërkon njerëz nën moshën 45 vjeç për t’u shpërngulur. Ju gjithashtu kërkohet të qëndroni në fshat për të paktën 10 vjet.