Mesazhi/ Donald Trump sulmon sërish Sorosin: Ne nuk do të dorëzohemi

Ish-presidenti amerikan, Donald Trump, postoi një meme në rrjetet sociale, duke sulmuar sërish miliarderin majtist, George Soros.

Në qendër të memes është fotoja policore e ish-presidentit Trump.

Ndaj tij janë drejtuar disa armë, secila me nga një etiketim sipër.

Armët janë etiketuar me fjalë si për shembull ‘Soros’, ‘padi’, ‘demokratët’, ‘marksistët’, ‘komunistët’, etj.

Imazhi është i rrethuar me shprehjet: “Nuk do të dorëzohemi kurrë” dhe “Ne jemi të bashkuar me Trump”.

Ish-presidenti amerikan është rikthyer në rrjetin social X pas një mungese të gjatë.

Trump thotë se ai po sulmohet politikisht për shkak se udhëheq sondazhet jo vetëm brenda republikanëve, por edhe në betejën për Shtëpinë e Bardhë në vitin 2024.