Po notonte, 50-vjeçarja sulmohet nga peshkaqeni, evakuohet plazhi në New York

Një 50-vjeçare është në gjendje kritike pasi u sulmua nga një peshkaqen në plazhin e mbipopulluar të Rockaway në Queens, Nju Jork. Gruaja, identiteti i së cilës nuk është bërë i ditur, po bënte not në plazh rreth orës 05:50 të mëngjesit me orën lokale, kur peshkaqeni e kafshoi në këmbën e majtë.

Rojet e plazhit nxituan ta nxirrnin nga deti dhe i dhanë ndihmën e parë para se të dërgohej në spitalin e Xhamajkës në gjendje kritike. Pas sulmit të peshkaqenit, rojet e shpëtimit evakuuan plazhin.

Incidenti vjen rreth një muaj pas pesë sulmeve të peshkaqenëve në Long Island që nxitën autoritetet të rrisin patrullimet.