Bujar Osmani jep dorëheqje, ja letra (FOTO)

Ministrat e BDI-së në seancën e qeverisë do t’i dorëzojnë zyrtarisht kryeministrit Dimitar Kovaçevski dorëheqjet e tyre, e cila duhet të hyjë në fuqi kur opozita të mbështesë ndryshimet kushtetuese në Kuvend.

Pas Krehsnik Bekteshit, vjen edhe letra e Bujar Osmanit i cili ka nënshkruar dorëheqjen si ministër i Jashtëm i Maqedonisë së Veriut, përcjell TS.

Dje ministri i Jashtëm, Bujar Osmani u shpreh se dorëheqjet do t’i dorëzohen kryeministrit dhe do të nënshkruhen individualisht nga secili prej ministrave dhe do të aktivizohen automatikisht pas votimit të ndryshimeve kushtetuese, pas së cilës do të mbahen zgjedhjet.
BDI thotë se e kanë përmbushur kërkesën e opozitës VMRO-DPMNE, andaj tani ata duhet të mbajnë premtimin për votimin e ndryshimeve kushtetuese./TS/