30 ditë paraburgim për Sefer Nasufin, i cili plagosi rëndë shefin e policisë së Strugës Dritan Ajro. 44 vjeçari, nga fshati Veleshtë i Strugës do të përgjigjet për veprën penale tentim për vrasje. Prokuroria zbardhi detajet rreth incidentit të një dite më parë. “Derisa viktima ishte në veturën e tij, i dyshuari e ka parakaluar në afërsi të Qendrës mjekësore në Strugë dhe e ka parkuar makinën paralelisht me të. Fillimisht ka filluar t’i bërtiste dhe ta kërcënonte me armë se do ta vriste, duke akuzuar shefin e policisë se ka dërguar vazhdimisht policë për ta ndjekur. I dëmtuari ka dalë nga automjeti dhe mes tyre ka ndodhur një përleshje e shkurtër fizike, pas së cilës kalimtarët i kanë ndarë. Viktima ka hipur në veturë për të thirrur policinë, por në atë moment i dyshuari ka parkuar veturën pas tij, ka dalë me thikë në dorë dhe e ka prerë nën nofullën e poshtme në drejtim të qafës, me gjatësi 11 dhe thellësi prej 5 centimetrash. Menjëherë është larguar nga vendi i ngjarjes”, thuhet në njoftimin e Prokurorisë. Prokurori publik i ka dorëzuar gjyqtarit të procedurës paraprake nga Gjykata Themelore në Strugë propozim për caktimin e masës së paraburgimit për të dyshuarin, sepse ekziston rreziku i arratisjes, mundësia e ndikimit mbi viktimën dhe dëshmitarët si dhe ta përfundojë tentativën për vepër penale.
Sign in
Sign in
Recover your password.
A password will be e-mailed to you.
Trending
- Tre motrat nga fshati Zhidilovë e Kriva Pallankës do mbeten pa 493 lopë, shkak revanshizmi politik? (VIDEO)
- Serbia ankohet pse anëtarë të NATO-s po e armatosin Ushtrinë e Kosovën
- Shaqiri: Anëtarët e Këshillit Gjyqësor kanë heshtur për rastet e montuara politike
- Haradinaj: LVV ka vjedhur vota!
- Ka ndërruar jetë Xhemil Daci, një veprimtar atdhetar nga Tetova!
- Mungesa e reshjeve të borës, Qendra e skijimit “Kodra e Diellit” mbyll sezonin turistik dimëror 2024-2025
- Rutte la edhe këtë mesazh: Policia e Kosovës duhet ta njoftojë KFOR-in me kohë para se të dislokohet afër kufirit me Serbinë
- Valbon Limani shtron iftar për qytetarët e Gostivarit
- Broligarkia: Fenomeni i ri në Shqipëri dhe përcaktuesi i zgjedhjeve të 11 Majit!
- Rregullimi i fasadës së ndërtesës së Kuvendit do të kushtojë 53 mijë euro