Sulm iranian në Bahrein, shpërthen zjarr në një objekt industrial!





Një sulm iranian ka shkaktuar zjarr në një objekt industrial civil në Bahrein, bëri të ditur Ministria e Brendshme e këtij vendi. Autoritetet konfirmuan se flakët përfshinë një pjesë të objektit pas sulmit, ndërsa ekipet e emergjencës u angazhuan menjëherë për të vënë situatën nën kontroll.

Pak para incidentit, banorët ishin paralajmëruar për një kërcënim të mundshëm, çka kishte bërë që autoritetet të rrisnin vigjilencën dhe të kërkonin kujdes nga popullata.

Sipas njoftimit zyrtar, ekipet e Mbrojtjes Civile po punojnë për shuarjen e zjarrit dhe parandalimin e përhapjes së flakëve në pjesë të tjera të zonës industriale.

Deri në momentin e raportimit, nuk janë bërë të ditura detaje të mëtejshme mbi përmasat e dëmeve materiale apo nëse ka persona të plagosur. Autoritetet nuk kanë dhënë ende një bilanc përfundimtar të incidentit.

App Icon
TetovaSot App
Shkarkoje tani nga playstore!
Instalo