Protestuesit kërkojnë ndryshimin e Ligjit për Specialen dhe shkarkimin e Gërvallës
Mijëra qytetarë kanë marrë pjesë në protestën gjithëpopullore të mbajtur sot në Prishtinë, në mbështetje të ish-krerëve të Ushtrisë Çlirimtare të Kosovës, e organizuar nga Organizata e Veteranëve të Luftës së UÇK-së.
Në përfundim të protestës, organizatorët kanë paraqitur disa kërkesa, të cilat lidhen me proceset gjyqësore ndaj ish-krerëve të UÇK-së në Hagë.
Kërkesa e parë ishte shfuqizimi ose ndryshimi i Ligjit për Dhomat e Specializuara të Kosovës.
Protestuesit kërkuan gjithashtu nga kryeministri Albin Kurti shkarkimin e ministres së Drejtësisë, Donika Gërvalla.
Një tjetër kërkesë ishte mbështetja e pakufizuar dhe sigurimi i fondeve të mjaftueshme për mbrojtjen e ish-krerëve të UÇK-së në proceset gjyqësore në Hagë.
Po ashtu, protestuesit kërkuan angazhimin e ekspertëve më të mirë ndërkombëtarë në ekipet mbrojtëse të ish-krerëve të UÇK-së, me qëllim të përfaqësimit të tyre në proceset e mëtejshme gjyqësore.
