Hoxha – Jaupaj: Vijon bashkëpunimi për mbrojtjen e natyrës dhe zhvillimin e qëndrueshëm të rajonit
Ministri i Mjedisit Jetësor dhe Planifikimit Hapësinor, Muamet Hoxha, zhvilloi takim me ministrin e Mjedisit të Republikës së Shqipërisë, Sofjan Jaupaj, i cili po qëndron në Shkup me rastin e pjesëmarrjes në Takimin Ndërrajonal të kryenegociatorëve dhe përfaqësuesve të lartë përgjegjës për integrimin evropian.
Në takim u diskutua për mundësitë për avancimin e mëtejshëm të bashkëpunimit ndërmjet dy vendeve në fushën e mbrojtjes së mjedisit, me theks të veçantë në përgjegjësinë e përbashkët për ruajtjen e pasurisë natyrore dhe kulturore të rajonit.
Ministrat diskutuan gjithashtu për hapa dhe iniciativa konkrete për thellimin e bashkëpunimit dypalësh dhe rajonal, me qëllim sigurimin e zhvillimit të qëndrueshëm dhe përmirësimin e cilësisë së mjedisit.
