Zjarr te Uji i Ftohtë në Vlorë, flakët rrezikojnë disa hotele

Një zjarr është raportuar mbrëmjen e sotme në zonën e Ujit të Ftohtë në Vlorë.

Sipas informacioneve paraprake, flakët janë shfaqur në një kodër dhe përhapja e tyre po rrezikojë hotele dhe biznese që ndodhet pranë vatrës.

Forcat zjarrfikëse dhe policia kanë mbërritur në vendngjarje, ndërsa po punohet për izolimin dhe shuarjen e flakëve.

Deri në këto momente nuk raportohet nëse zjarri ka shkaktuar dëme materiale apo persona të lënduar.

Shkaqet e zjarrit mbeten ende të paqarta. Autoritetet po përqendrojnë ndërhyrjen në vënien nën kontroll të vatrës dhe shmangien e përhapjes së flakëve drejt hoteleve.