“Nuk do të tolerojmë provokime!” – Rijad Shaqiri shpërthen pas incidentit me Ivan Stoilkoviqin: Ti je idiot në katror (VIDEO)

Deputeti i Aleancës për Shqiptarët, Rijad Shaqiri, ka reaguar lidhur me incidentin e ndodhur në Kuvend, ku u përfshi edhe Ivan Stoilkoviq, duke theksuar se veprimi i deputetëve të opozitës ishte një përgjigje ndaj sjelljes së tij.

Sipas Shaqirit, reagimi erdhi si rezultat i paraqitjes dhe sjelljes së Stoilkoviqit gjatë zhvillimeve në Kuvend, me qëllim mbrojtjen e dinjitetit institucional dhe të qëndrimeve politike të opozitës.

“Si rezultat i incidentit në Kuvend me Ivan Stoilkoviqin, ne reaguam në përputhje me paraqitjen dhe sjelljen e tij, duke mbrojtur dinjitetin institucional dhe qëndrimet tona politike. Çdo provokim apo deklaratë që cenon vlerat e bashkëjetesës dhe respektit të ndërsjellë do të marrë përgjigjen e merituar politike dhe institucionale nga ana jonë”, deklaroi Shaqiri, përcjell TS.

Deklarata e deputetit të Aleancës për Shqiptarët vjen pas tensioneve të regjistruara gjatë seancës parlamentare, ku pati përplasje verbale mes deputetëve, ndërsa situata çoi edhe në ndërprerjen e përkohshme të seancës.

Ngjarja ka nxitur reagime në opinionin publik dhe pritet të pasohet edhe me qëndrime të tjera nga subjektet politike të përfshira.