Kujdestarja nga Kosova pretendon se u dhunua nga punëdhënësi në Tetovë
Një shtetase 50-vjeçare nga Kosova ka denoncuar në SPB Tetovë se është sulmuar fizikisht nga një person nga Tetova, i cili e kishte angazhuar për t’u kujdesur për nënën e tij të sëmurë.
Sipas denoncimit, ajo për një periudhë të gjatë ka qenë viktimë e maltretimit psikik dhe fizik, ndërsa kur ka shfaqur dëshirën për t’u larguar, është sulmuar duke pësuar lëndime të rënda trupore.
Policia po kërkon autorin e dyshuar, ndërsa ndaj tij do të parashtrohet kallëzim përkatës.TS
