SKANDAL I RËNDË NË SARAJ: Muhamet Elmazi në përleshje fizike përmenden armë, shoqëri me persona me preçedent penal në “Miracoli”

Një skandal i përmasave të rënda po trondit Sarajin dhe më gjerë. Emri i kryetarit të komunës, Muhamet Elmazi, përflitet si protagonist i një incidenti të dhunshëm që, sipas burimeve tona, ka ndodhur brenda restorantit “Miracoli”.

Sipas informacioneve që po qarkullojnë nga burime të afërta me ngjarjen, situata ka degraduar në përleshje fizike mes kryetarit dhe disa personave të tjerë, duke krijuar një atmosferë kaotike dhe të rrezikshme për të gjithë të pranishmit.

Por ajo që e rëndon edhe më shumë këtë skandal është pretendimi se Elmazi ka qenë i shoqëruar nga persona me të kaluar kriminale, çka ngre dyshime serioze për rrethin e tij dhe lidhjet që mund të ekzistojnë jashtë kornizës institucionale.

Sipas të njëjtave burime, tensioni ka arritur kulmin kur dyshohet se janë nxjerrë edhe armë zjarri, duke kaluar nga një konflikt verbal në një situatë që mund të kishte përfunduar me pasoja tragjike. Dëshmitarë të pranishëm flasin për momente paniku dhe frike.

Deri në këtë moment nuk ka asnjë reagim zyrtar nga institucionet e rendit apo nga vetë kryetari, duke shtuar edhe më shumë dyshimet dhe zemërimin e opinionit publik.

Nëse këto informacione rezultojnë të sakta, bëhet fjalë për një skandal të paprecedent, që jo vetëm cenon figurën e një zyrtari publik, por edhe vë në pikëpyetje serioze sigurinë dhe rendin në komunë.