Vala e të nxehtit, shtohen inspektimet – Durmishi në kordinim me drejtorin Maksuti

Ministria e Ekonomisë dhe Punës, në bashkëpunim me Inspektoratin Shtetëror të Punës, ka vendosur masa të rrepta për mbrojtjen e punëtorëve në kushtet e temperaturave ekstreme. Ministri zhvilloi një takim me Drejtorin e Inspektoratit, Gani Maksuti, për të koordinuar kontrollet në terren. Në seancën e 95-të të Qeverisë, më 22 korrik 2025, u miratuan masat nga Plani i Veprimit për Parandalimin e Pasojave të Valëve të Nxehtë (2025–2030). Nga 23 deri më 26 korrik:✅Gratë shtatzëna dhe personat mbi 60 vjeç lirohen nga detyrimet e punës;✅Mundësohet puna në distancë dhe orari fleksibël ose i dyfishtë;✅Ndalohet puna nga ora 11:00 deri në 17:00 për ata që punojnë në rrezet direkte të diellit;✅Punëdhënësit duhet të sigurojnë kushte mikroklimatike deri në 25°C në ambientet e brendshme. Gjithashtu, institucionet shëndetësore, sociale dhe arsimore aktivizojnë protokollet emergjente për rastet e mbinxehjes, ndërsa popullata do të informohet rregullisht për rekomandimet e sigurisë. “Punëtorët janë dhe mbeten prioriteti ynë. Nuk do të lejojmë që askush të ekspozohet ndaj rrezikut. Punëdhënësit që nuk respektojnë masat do të përballen me inspektime të rrepta dhe masa ligjore”, theksoi Ministria e Ekonomisë dhe Punës. Qeveria apelon për respektim të plotë të rekomandimeve për të shmangur pasojat e rrezikshme të temperaturave ekstreme.