ZYRTARE: Voska Sport tërhiqet nga Liga e Parë
Drejtuesit e Voska Sport njoftuan zyrtarisht se kanë marrë vendimin për t’u tërhequr nga Liga e Parë e futbollit të Maqedonisë. Ky vendim vjen pasi Federata e Futbollit të Maqedonisë e dënoi ashpër klubin për braktisjen e fushës në ndeshjen kundër Vardarit, e vlefshme për xhiron e kaluar të elitës, duke ia hequr nëntë pikë skuadrës që po luftonte për mbijetesë në elitë. Sipas drejtuesve të Voskës, ekipi është dëmtuar në mënyrë të përsëritur nga vendimet e arbitrave gjatë sezonit, ndaj është marrë vendimi për t’u tërhequr nga kampionati më i lartë i futbollit në vend. Ndryshe përveç heqjes së pikëve, janë ndëshkuar edhe presidenti Nefi Useini dhe trajneri Klodian Arbri, të cilët janë pezulluar për dy vite, ndërsa klubi do të duhet të paguajë edhe një gjobë prej 7,500 eurosh.
