Vozisni me përgjegjësi për një vit të lumtur dhe të sigurt

Me synimin për siguri më të madhe në komunikacion, Këshilli Republikan për Sigurinë në Komunikacionin Rrugor, në prag të festave të fundvitit, po realizon një fushatë me moton “Lëvizni me përgjegjësi për një vit të mbarë dhe të sigurt!”
Mos drejtoni automjet nëse jeni nën ndikimin e alkoolit! Ky është një nga mesazhet kryesore për drejtuesit e mjeteve në prag festash.
Fushata po zbatohet me qëllim që të tregojë efektin e dëmshëm të alkoolit në aftësinë për të drejtuar automjet dhe të ndërgjegjësojë drejtuesit e mjeteve për pjesëmarrje të përgjegjshme në komunikacion.
Alkooli është një nga shkaktarët kryesorë të aksidenteve rrugore me pasoja fatale, që mund të prekë jo vetëm drejtuesit e mjeteve, por edhe pasagjerët dhe këmbësorët. Drejtimi i automjetit nën ndikimin e alkoolit, edhe në nivele të ulëta të alkoolit në gjak, shkakton probleme me përqendrimin e drejtuesve të mjetit, zvogëlon koordinimin e muskujve dhe dëmton aftësinë për të arsyetuar dhe për të identifikuar rreziqet në mjedisin rrugor.
Kjo është arsyeja pse kjo fushatë tregon rëndësinë e drejtimit të përgjegjshëm, respektimin e rregullave dhe rregulloreve të qarkullimit rrugor, vigjilencën dhe kujdesin për të gjithë përdoruesit e rrugës. Rekomandohet që shoferët të përdorin një taksi nëse zgjedhin të pinë alkool, ose nëse automjeti i tyre drejtohet nga një pasagjer/mik që nuk ka pirë alkool, si dhe konfiskimin e çelësave të automjetit të shokut tuaj që ka pirë për të parandaluar drejtimin në gjendje të dehur dhe sigurimi i sigurisë së tij.
RSBSP apelon: Mos drejtoni automjet nëse jeni nën ndikimin e alkoolit! Kujdesuni për sigurinë tuaj dhe të gjithë përdoruesve të rrugës. Drejtoni me përgjegjësi dhe udhëtoni në mënyrë të sigurt.
Një pjesë e rekomandimeve është që të bëhet një kontroll dimëror i automjetit.
Kushtet e pafavorshme të motit në rrugë (trotuaret e lagështa, temperaturat më të ulëta, shiu dhe bora, dukshmëria e reduktuar) mund të rrisin kohën e reagimit të drejtuesve të mjeteve, të shpërqendrojnë ata, të zgjasin distancën e frenimit të mjetit, etj. Prandaj RSBSP këshillon që të kontrollohet automjeti dhe të përgatitet për kushtet e dimrit, të respektohet detyrimi ligjor për veshjen e pajisjeve dimërore dhe të kontribuojë për pjesëmarrje më të sigurt në trafikun rrugor.