Dështim spektakolar: Tetovarët bojkotuan Kasamin dhe opozitën në Tetovë

Ndonëse dje kryetari i Komunës së Tetovës, Bilall Kasami kishte vendosur të shpalos projektin për ndërtimin e stadiumit të qytetit, interesimi i qytetarëve për të dëgjuar premtimet e përsëritura të tij, ishte shumë i vogël.

Tetovarët nuk i bindën madje as prezenca e Grupit Elita 5 e Aida Doçit që t’i përgjigjën pozitivisht ftesës së Kasamit, përkundrazi, përgjigja ishte bojkot!!!

E paralajmëruar si ngjarje që disa javë radhazi në rrjetet sociale, por e njejta duket se është vetëm një gënjeshtër e radhës nga Kasami, pasi ky projekt ka disa pengesa, borxhe e lëshime që e bëjnë të pamundur realizimin e tij.

Siç ka njoftuar së fundmi portali TS:

– Ndërmarrja për Transport e komunës së Tetovës e cila ka hapur tenderin për ndërtimin e Stadiumit çdo ditë po shkon me humbje dhe shtrohet pyetja se si do të paguaj një ndërmarrje e cila shkon me humbje një borxh prej 10 milion euro?

– Fillim i Stadiumit të Tetovës do të nis pa mbikqyrës një fillim antiligjor, sepse nuk mund një projekt publik me 10 milionë euro mos të ketë mbikqyrës!

– Askush nuk e di se si do të duket stadiumi, me çfarë kushtet, çfarë cilësie, çfarë materialesh, çfarë pamje dhe si mund të hapet një tender dhe mos e dije as vet Bilall Kasami se si do të duket.

– Komuna nuk tregon se si do të paguaj borxhin prej 10 milionë Euro kompanisë EKOLOG kur komuna është në borxh kolosal.
Sipas informatave jozyrtare, Plani i Bilall Kasamit me kompaninë që do të ndërtojë stadiumin është:

Në vitin e parë nëse Ndërmarrja për Transport nuk do të paguaj shumën prej 3 milionë eurove, kompania EKOLOG do të bllokojë Ndërmarrjen për Transport dhe borxhin do ta merr komuna e Tetovës dhe më pas komuna në pamundësi për të paguar borxhin do të detyrohet të shes prona të komunës.

Si shitje për të paguar borxhin e EKOLOG-ut, përflitet stadiumi i vjetër i Tetovës dhe tokë në fshatin Falisht dy idetë e Bilall Kasamit nuk do të realizohen.

E para stadiumi i vjetër i Tetovës ende menaxhohet nga Agjencia për Rini dhe Sport dhe nuk është pronë e Komunës së Tetovës për të ia shitur Bilall Kasami kompanisë Ekolog.

Të gjitha këto kombinime të Bilall Kasamit e bëjnë të pamundur ndërtimin e Stadiumit të Tetovës, por tetovarëve do ju ngelet stadiumi i Tetovës siç është vetëm se kjo është një fillim për fushatë parazgjedhore.

Ky premtim i Bilall Kasami nuk është as i pari e as i fundit, pasi ai gjithashtu nuk ka realizuar asnjë nga katër premtimet e tij në fushatën zgjedhore si:

– Fabrikën e Çipsit në Reçicë
– Qendra e Tetovës “Alla Dubai”
– Parkingje toksore dhe nëntoksore
– Eliminimin e qenëve endacak

Kur Kasami nuk realizoi asnjë investim bazik për tetovarët, atëherë si do të realizohet një projekt prej 10 milionë eurove?