Zelensky tregon kohën kur Rusia do të provojë një ofensivë të re në Ukrainë – dhe nuk është shumë larg

Rusia po përgatit një ofensivë të re kundër Ukrainës duke filluar nga fundi i majit ose verës, por Kievi ka një plan të qartë të tij të fushëbetejës, tha të dielën presidenti Volodymyr Zelensky.

Duke folur një ditë pas përvjetorit të dytë të fillimit të pushtimit rus të Ukrainës, Zelensky tha se ishte jetike që Kievi dhe aleatët e tij perëndimorë të mbeten të bashkuar dhe përsëriti se fitorja e Ukrainës varet nga mbështetja e vazhdueshme perëndimore.

“Ne do të përgatitemi për sulmin e tyre. Sulmi i tyre që filloi më 8 tetor nuk ka sjellë asnjë rezultat, besoj. Ne, nga ana jonë, do të përgatisim planin tonë dhe do ta ndjekim atë”, u tha Zelensky gazetarëve në Kiev.

Zelensky theksoi se 31,000 ushtarë ukrainas ishin vrarë që nga shkurti i vitit 2022, duke dhënë numrin e parë zyrtar në më shumë se një vit.

Ministria e Jashtme ruse e hodhi poshtë shifrën e Ukrainës duke e vlerësuar si të pavërtetë.

Zelensky tha se rotacioni i trupave do të ishte jashtëzakonisht i rëndësishëm për përpjekjet e luftës dhe theksoi se Ukraina duhet të përgatisë më mirë forcat e saj rezervë.

Ndryshe, një raport i New York Times në gusht citoi zyrtarët amerikanë të thonë se numri i të vdekurve ukrainas është afër 70,000. I njëjti raport thoshte se rreth 120,000 trupa ruse kishin vdekur gjatë luftës.

Megjithatë, të dhënat nuk mund të verifikohen në mënyrë të pavarur.

Si Rusia ashtu edhe Ukraina shpesh kanë dhënë numra që janë vlerësuar se “jo të saktë” për viktimat e tyre ushtarake në luftë, ndërsa i kanë ekzagjeruar humbjet që pretendojnë se i kanë shkaktuar njëra-tjetrës.