Kujdes me shpejtësinë, policia në Tetovë vazhdon kontrollet

Zyrtarët policorë të SPB-Tetovë kanë vazhduar me aktivitete kontrolluese për rend dhe siguri më të madhe në komunikacion në rajonin e gjerë të Pollogut informon Tetovasot. Dje (27 korrik) në periudhën nga ora 08:00 deri në orën 20:00 kanë kryer kontroll të shpejtësisë së lëvizjes së mjeteve gjatë së cilës janë konstatuar dhe sanksionuar 13 shkelje (TE-6 dhe GV-7) të tejkalimit të shpejtësisë maksimale të lejuar jashtë vendbanimit, nga të cilat 3 (TE) lëviznin me shpejtësi 50-70 kilometra në orë mbi shpejtësinë e lejuar, ndërsa 4 (TE-3 dhe GB-1) me shpejtësi 30-50 kilometra në orë më shumë se shpejtësia e lejuar. Gjatë kontrollit janë konstatuar edhe 21 shkelje të tjera (TE-14 dhe GV-7). Për shkak të parkimit të gabuar dhe të kundërligjshëm të automjeteve, nga ana e Shërbimit komunal të merimangës së Tetovës janë ngritur 23 vetura, shumica e të cilave janë parkuar në rreshta të dyfishtë në rrugë, kryqëzime dhe trotuare, duke penguar rrjedhën normale të komunikacionit.
Të gjithë drejtuesve të mjeteve-shkelësve u janë përgatitur dhe parashtruar me ligj parashtresat përkatëse, ndërsa më të shpejtët që kanë tejkaluar shpejtësinë do të përballen me masë mbrojtëse, ,,Ndalesë drejtimi, në afat prej 3 deri në 12 muaj varësisht nga madhësia e shpejtësisë së tejkaluar.
SPB-Tetovë apelon drejtuesit e mjeteve që të respektojnë rregullat dhe rregulloret ligjore në komunikacion, të përshtatin shpejtësinë sipas kushteve të rrugës dhe rregullave të parapara, duke pasur parasysh se edhe ky vit është shkak për numrin më të madh të aksidenteve në komunikacion, më së shumti ato aksidente me pasoja më të rënda, ishte shpejtësia e lëvizjes. Sepse, pa përjashtim, të gjitha shkeljet do të sanksionohen për të lejuar qarkullimin normal dhe të rrjedhshëm, si dhe për të shmangur kaos më të madh trafiku apo pasoja të mundshme më të rënda.TS