30 ditë paraburgim për Sefer Nasufin, i cili plagosi rëndë shefin e policisë së Strugës Dritan Ajro. 44 vjeçari, nga fshati Veleshtë i Strugës do të përgjigjet për veprën penale tentim për vrasje. Prokuroria zbardhi detajet rreth incidentit të një dite më parë. “Derisa viktima ishte në veturën e tij, i dyshuari e ka parakaluar në afërsi të Qendrës mjekësore në Strugë dhe e ka parkuar makinën paralelisht me të. Fillimisht ka filluar t’i bërtiste dhe ta kërcënonte me armë se do ta vriste, duke akuzuar shefin e policisë se ka dërguar vazhdimisht policë për ta ndjekur. I dëmtuari ka dalë nga automjeti dhe mes tyre ka ndodhur një përleshje e shkurtër fizike, pas së cilës kalimtarët i kanë ndarë. Viktima ka hipur në veturë për të thirrur policinë, por në atë moment i dyshuari ka parkuar veturën pas tij, ka dalë me thikë në dorë dhe e ka prerë nën nofullën e poshtme në drejtim të qafës, me gjatësi 11 dhe thellësi prej 5 centimetrash. Menjëherë është larguar nga vendi i ngjarjes”, thuhet në njoftimin e Prokurorisë. Prokurori publik i ka dorëzuar gjyqtarit të procedurës paraprake nga Gjykata Themelore në Strugë propozim për caktimin e masës së paraburgimit për të dyshuarin, sepse ekziston rreziku i arratisjes, mundësia e ndikimit mbi viktimën dhe dëshmitarët si dhe ta përfundojë tentativën për vepër penale.
Sign in
Sign in
Recover your password.
A password will be e-mailed to you.
Trending
- Spiunët e arrestuar dhe BIA serbe patën bisedime një ditë pas sulmit në Banjskë (VIDEO)
- VLEN-i shkon në 14 deputetë, Fronti Evropian bie në 18
- Zelensky: Edi Rama mik i madh i Ukrainës
- Deputeti i 8 i VLEN-it në Njësinë e Gjashtë Zgjedhore, Mexhiti: E konfirmon legjitimitetin tonë tek shqiptarët
- Altin Dumani: Kemi sekuestruar 41 milionë euro pasuri
- CIVIL: Gjithsej 18 raste të votimit familjar në Debresh
- Franca paralajmëron Kosovën pas aksionit në veri: Veprimet e reja të njëanshme kontribuojnë në rritje të tensioneve
- Mbyllet vendvotimi në Llërcë, 560 qytetar votuan sot (VIDEO)
- Llërca voton/ Mbi 50% dalja, pritet VLEN të shtoj një deputet në zonën 6?! (VIDEO)
- Pasagjeri afgan pret damarët në fluturim, avioni bën ulje të detyruar në Rinas