Gir: Mbështetja e BE-së do të rritet gjatë procesit të anëtarësimit
Mbështetja nga Bashkimi Evropian do të rritet me kalimin e kohës, pasi procesi i anëtarësimit ka të bëjë me zbatimin e reformave në shumë fusha, thotë ambasadori i BE-së, Dejvid Gir.
Në ngjarjen në Qeveri me rastin e mbështetjes buxhetore prej 80 milionë euro nga BE-ja për ballafaqimin me krizën energjetike, Gir tha se është me rëndësi kyçe mbështetja për qytetarët dhe kompanitë, si dhe për investimet e reja.
Në pyetjen e gazetarëve për qasjen në fondet dhe sa mjete ka marrë vendi, Gir tha se ofrohet mbështetje prej rreth 100 milionë euro në vit, ndihmë e jashtëzakonshme për mbështetje makrofinanciare, si dhe 80 milionë euro për paketën energjetik.
“Këtu flasim për rreth 100 milionë, të cilat mbulojnë shumë sektore, ajo ndihmë do të rritet me kalimin e kohës pasi, siç e dini, procesi i anëtarësimit ka të bëjë me zbatimin e reformave në shumë fusha, vendi përafrohet me ligjet dhe standardet e BE-së, nga bujqësia te tregtia, doganat, sundimi i ligjit. Për shembull, për mjedisin e jetesës që është një zonë me të vërtetë e shtrenjtë, investimi ynë do të rritet me kalimin e kohës siç vendi i afrohet BE-së, që kur të inkuadrohet, të ketë kryer pjesën më të madhe të punës së vështirë të nevojshme për t’u bërë anëtare e plotë e BE-së dhe për të përfituar nga kjo”, tha Gir.
Tetëdhjetë milionë eurot e dorëzuar nga BE-ja, siç tha ai, janë mbështetje financiare praktike që do të bëjë dallimin në ndryshimin e përballimit me krizën.
Të përfshirë do të jenë kategoritë më vulnerabël, rreth 172.000 persona, pensionistë, prind vetëushqyes, të papunët të cilët kanë nevojë për mbrojtje sociale, 47.000 kategori të qytetarëve vulnerabël, 470 shkolla, 67 ndërmarrje komunale publike, kompani nga industria ushqimore, si dhe institucione shëndetësore. Këto nuk janë vetëm shifra, por qytetarë, kompani dhe institucione që meritojnë ndihmë, në të cilat ne të gjithë mbështetemi dhe u shërbejmë interesave të të gjithëve, theksoi Gir.
Mbështetja e BE-së mbështetet nga një plan veprimi që duhet të sigurojë reforma të qëndrueshme në sektorin e energjisë, të cilat, tha ambasadori evropian, duhet të zbatohen plotësisht.
“Këto 80 milionë euro janë vetëm një pjesë e një pakete më të gjerë që BE-ja ka përgatitur për Ballkanin Perëndimor. Pjesa më e madhe e këtyre parave është tashmë në dispozicion për të mbështetur investimet në tranzicionin, gjithnjë e më urgjente së gjelbër energjetike. Kjo është përveç parave që BE-ja i siguron për sektorin energjetik në këtë vend. Këto nuk janë numra, por njerëz, jo detyrime abstrakte, por ndihmë praktike për të ndërtuar një të ardhme të gjelbër, këtu, në rajon dhe në BE, sepse energjia na lidh, sepse ne jemi një familje dhe kemi besim se e ardhmja e përbashkët qëndron në Bashkimin Evropian”, theksoi Gir.