Sulmi nga hakerët, Ministria e Arsimit del me njoftim

Hakerët grekë kanë “sulmuar” Ministrinë e Arsimit dhe Shkencës në vend, mirëpo, kjo ministri ka dal me njoftim se pamjet që janë publikuar nga ta, janë të rreme.

Sipas njoftimit të Ministrisë së Arsimit, pamjet e publikuara nuk janë marrë nga ministria dhe nuk kanë fare lidhje me kamerat e tyre, derisa konfirmojnë se mbrëmë ka patur tentim për sulm kibernetik.

Ndryshe sulmuesit kishin publikuar disa pamje nga kamerat e sigurisë për të cilat thonë se janë nga Ministria e Arsimit, dhe paralajmërojnë se janë në mbikqyrje 24/7.