Rikthen punimet komisioni i përbashkët, “atmosferë konstruktive” mes Shkupit dhe Sofjes

Takimi i katërt i grupeve të ekspertëve të Ministrive të Punëve të Jashtme të Republikës së Maqedonisë së Veriut dhe Republikës së Bullgarisë.

Sot në Sofje u mbajt raundi i katërt i bisedimeve të ekspertëve ndërmjet ekipeve të Ministrive të Punëve të Jashtme të Republikës së Maqedonisë së Veriut dhe Republikës së Bullgarisë, të angazhuara në dialogun të ashtuquajtur paketë e çështjeve politike.

“Takimi u zhvillua në një atmosferë konstruktive dhe të hapur. U shqyrtuan propozimet e fundit të dërguara vitin e kaluar nga Republika e Maqedonisë së Veriut si përgjigje ndaj propozimeve të palës bullgare të paraqitura në raundin e tretë të konsultimeve të ekspertëve të mbajtur në shtator 2021 në Shkup. Ekipet e Ministrive të Punëve të Jashtme rikonfirmuan angazhimin e tyre për të mbështetur një dialog aktiv që synon gjetjen e zgjidhjeve të pranuara nga të dy anët për temat kryesore të agjendës politike bilaterale”, qëndron në kumtesën e Ministrisë së Punëve të Jashtme.

Mbajtja e takimit të sotëm është dakorduar mes ministrave të Punëve të Jashtme Bujar Osmani dhe Teodora Gençovska gjatë mbajtjes së seancës së përbashkët ndërqeveritare të dy vendeve më 25 janar 2022. Në frymën e përpjekjeve për të krijuar një dinamikë të re pozitive, bashkërisht u shpreh domosdoshmëria për vazhdimin intensiv të bisedimeve për të ashtuquajturëm paketë e çështjeve politike.

Raundi tjetër i bisedimeve të ekspertëve do të mbahet së shpejti në Shkup.