Në Sofje, takim i grupit punues për infrastrukturën


Delegacioni vendor i udhëhequr nga ministri i Transportit dhe Lidhjeve Bllagoj Boçvarski sot dhe nesër do të qëndrojë në Sofje, ku do të mbahet takimi i grupit punues për transport dhe infrastrukturë ndërmjet Republikës së Maqedonisë së Veriut dhe Republikës së Bullgarisë.

Raportohet se në takim do të diskutohet për linjën ajrore të paralajmëruar nga Sofja në Shkup, si dhe për çështje me interes të përbashkët në fushën e trafikut rrugor, lidhjes së transportit dhe digjitalizimit.

Në Aeroportin Ndërkombëtar të Shkupit nesër pritet të mbërrijnë delegacionet e Maqedonisë dhe Bullgarisë, së bashku me operatorët turistikë. Fluturimi Shkup Sofje do të jetë i pari i kësaj linje e cila pritet të fillojë të funksionojë muajin e ardhshëm.