-ads3-

Kryeministri bullgar, Kiril Petkov sot ia dorëzoi kryeministrit Dimitar Kovaçevski projektin për ndihmë në zhvillim “Ditari elektronik për persona me diabet”, donacion ky i Republikës së Bullgarisë.

Në bazë të projektit është përgatitur aplikacioni Ditari, i cili siç bëri të ditur menaxheri i përgjithshëm Sofçe Jovanovska do t’ua lehtësojë jetën të sëmurëve nga diabeti, ndërsa mjekëve do t’iu mundësojë të kenë mbikëqyrje të hollësishme në analizat e vlerave të matura të pacientëve.

Kryeministri bullgar, Petkov tha se diabeti është temë shumë afër zemrës së tij, sepse vajza e tij e dytë ka diabet të tipit 1 dhe dallimi mes jetës cilësore pa probleme dhe me probleme me këtë sëmundje është se sheqeri në gjak ndiqet në mënyrë të rregullt.

Në promovimin e projektit mori pjesë edhe ministri i Shëndetësisë, Bekim Sali.

Para promovimit të projektit, siç bëri të ditur Ministria e Shëndetësisë, është biseduar për rëndësinë e realizimit të projekteve për përmirësimin e situatës edhe në sferën e shëndetësisë.