Ndalet zemra e patriotit Rafi Halili, njërit prej shokëve më të ngushtë të heroit të kombit Rexhep Malaj
Është ndalur zemra e madhe e atdhetarit e patriotit të lavdishëm, Heroit të gjallë të Kombit Rafi Halili!
Nuk jeton më shoku e bashkëvuajtësi i idealit dhe i burgut i Heroit të Kombit Rexhep Malaj!
Ndahet nga kjo jetë shqiptari trim e i pamposhtur Rafi Halili, që në kohëra të errëta për tokat e pushtuara nga Serbia pushtuese dhe kolonizatorët e tokave dhe jetës e pushtetit politik atdhetar shqiptar!
Nuk është më në mesin e të gjallëve Ai që qëlloi me plumba dhe derdhi barot mbi policinë antishqiptare të Maqedonisë jugosllave!
Por duhet ta themi me zë të lartë, se Rafi Halili, u nda nga kjo jetë i lumtur e i qetë, sepse ia arriti për të gjallë ta shihte e ta përjetonte luftën heroike e titanike të luftëtarëve e ushtarëve trima, të udhëhequr e komanduar nga Komandanti i Shtabit të Përgjithshëm të Ushtrisë Çlirimtare Kombëtare, vëllau i Tij besnik i idealit kombëtar, i madhi i të mëdhenjëve, Udhëheqësi i popullit shqiptar Ali Ahmeti!
Jeta dhe vepra e Rafi Halilit, ishte busull për atdhetarët e patriotët e vërtetë!
Ky vigan i pavdekshëm, do të mbetët i gjallë e në ballë të vullkanit kombëtar, sepse e kaluara e Tij, do të jetë padiskutueshëm arma e sigurtë në duart e udhëheqësve të rinj të popullit, Atdheut e Kombit!
Lavdi e përjetshme, atdhetarit të madh e të pavdekshëm Rafi Halili🇦🇱
Ismet Sylejmani,
Prishtinë, 28 Janar 2022!