Skandal në Veles: Sulmoi 16-vjeçaren dhe e futi me forcë në automjet

Një 20-vjeçar është arrestuar në Veles pasi dyshohet se ka sulmuar fizikisht një vajzë 16-vjeçare dhe më pas e ka futur me forcë në automjetin e tij, raporton Tetovasot.

Sipas MPB-së, A.A. (20) nga Komuna e Çashkës ishte takuar me të miturën, me të cilën kishte lidhje dashurie. Pas një grindjeje të shkurtër, ai dyshohet se e ka goditur dhe pa pëlqimin e saj e ka futur në automjet.

Për rastin janë njoftuar Prokuroria Publike dhe Qendra për Punë Sociale në Veles, ndërsa pas dokumentimit të plotë do të ngrihet kallëzim penal, shkruan Tetovasot.