Shkel vendimin gjyqësor, arrestohet 33-vjeçari nga Kavadari

Policia në Kavadar ka arrestuar një 33-vjeçar pasi dyshohet se nuk ka respektuar një vendim gjyqësor që e ndalonte t’i afrohej dhe të kontaktonte partneren e tij jashtëmartesore.

Sipas denoncimit, ai i kishte dërguar një mesazh përmes një rrjeti social, duke shkelur masën e vendosur nga gjykata.

Gjatë kontrolleve është konstatuar se personi ishte nën ndikimin e alkoolit, me 2,14 promilë alkool në gjak.

Pas dokumentimit të rastit, ndaj tij do të vijojë kallëzim penal.