Tre tërmete të njëpasnjëshme alarmojnë Turqinë

Tre lëkundje të njëpasnjëshme u regjistruan mesditën e së dielës në provincën e Adanës, në Turqi. Tërmetet, me magnitudë 4.7, 4.6 dhe 5.2 të shkallës Rihter, u shënuan brenda pak minutash.

Sipas Institutit Euro-Mesdhetar, epiqendra e lëkundjeve ndodhej rreth 21 kilometra në veriperëndim të Antirinit dhe 68 kilometra në perëndim të Kahramanmaraşit. Tërmetet kishin një thellësi prej rreth 10 kilometrash.

Pas lëkundjeve, Autoriteti i Menaxhimit të Fatkeqësive dhe Emergjencave të Turqisë (AFAD) deklaroi se deri në atë moment nuk ishin raportuar situata të pafavorshme.

Edhe guvernatori i Adanës, Mustafa Yavuz, konfirmoi se nuk ishin raportuar incidente negative.

“Deri më tani, nuk na është raportuar asnjë incident. Punimet e vlerësimit në terren janë duke u zhvilluar. U shprehim urimet tona më të mira qytetarëve të prekur.”, deklaroi Yavuz.

Autoritetet turke vijojnë vlerësimet në terren për të përcaktuar nëse lëkundjet kanë shkaktuar dëme materiale.