Himni shqiptar u anashkalua në Pustec, reagon kryebashkiaku: E kisha kërkuar, kërkoj ndjesë!

Kryebashkiaku i Pustecit, Pali Kolefski, ka reaguar pas incidentit të ndodhur gjatë aktivitetit folklorik maqedonas, ku u ekzekutua himni i Maqedonisë së Veriut, kurse ai shqiptar u anashkalua.

Kolefski shprehet për mediat se kishte kërkuar paraprakisht nga organizatorët që në ceremoninë zyrtare të përfshihej edhe himni shqiptar, sepse një gjë e tillë parashikohet nga protokolli shtetëror.

Kryebashkiaku tha se i kishte kërkuar organizatorit, kryetarit të shoqatës së VMRO-së në Shqipëri, programin zyrtar të aktivitetit dhe, pasi kishte mësuar se ceremonia do të hapej me himnin maqedonas, kishte kërkuar që të ekzekutohej edhe himni shqiptar.