Tërmeti godet Spanjën, shpallet gjendje e jashtëzakonshme në disa zona

Një tërmet me magnitudë 5.0 ka goditur në orët e para të së shtunës qytetin jugor spanjoll të Granadës.

Sipas autoriteteve rajonale, lëkundjet janë regjistruar pak pas orës 01:00 në zonën metropolitane të Alhendinit.

Nga tërmeti janë raportuar dëme në disa banesa dhe automjete, ndërsa deri tani nuk raportohet për persona të lënduar, shkruan Reuters, transmeton Klankosova.tv.

Autoritetet kanë nisur vlerësimin e dëmeve dhe po monitorojnë situatën pas lëkundjeve.